High 5 ku CURA DOET

Selebrando 5 aña di UNASP 60+

Ku hopi alegria nos ta selebrá 5 aña di UNASP 60+; un momento spesial pa rebibá i rekonosê tur e momentonan bunita ku nos a kompartí huntu.

Na Hofi Kalabash nos lo pasa un atardi agradabel ku nos grandinan, kaminda nos lo hasi algun weganan i aktividatnan di moveshon pa mantené e ambiente alegre i aktivo.

Huntu nos lo traha riba un obra bunita, disfruta di un dushi plato, kòmbersá, hari i pasa un rato sosial. Ademas, nos lo krea i kanta un kantika spesial pa marká i selebrá nos 5 aña di existensia i espresá tambe den un simbolo di union i alegria, nos gratitud na tur esnan ku a kompartí e 5 añanan aki huntu ku nos.