Kon mi por log in?

Klek riba log in pa drenta den bo account.
Bo no tin un account? Traha un profil promé.

Kon mi registrá un proyekto?

Klek riba añadí un proyekto den e supmenú bou di nòmber di bo organisashon/ nòmber di profil.
Sigui e stapnan den e formulario
Skirbi na deskripshon di bo proyekto e lokual bo ta bai hasi mas detayá posibel
Na informashon adishonal tin espasio pa bo indiká kiko bo ke pa bo boluntarionan bini kuné for di kas i òf ki nesesidat bo tin pa ku un fishi. Por ehèmpel: sunblock, pèchi, karson largu ect.  Bo por indiká tambe  ku bo mester di hende di fishi manera un karpinté, un mètsla ect.

Na momento ku bo ta bai inskribí bo proyekto ta bon pa bo tin e siguiente datonan na man:

• Nòmber di bo proyekto
• Ki dia òf dianan e proyekto lo tuma lugá
• Orario ku e proyekto ta start (atenshon: e proyekto no mag dura mas di 6 ora)
• Kon bo ta bai ehekutá e proyekto?
• Kuantu boluntario bo mester? Inkluyendo esnan den bo organisashon

Kon mi por sa ku mi proyekto a wòrdu registrá?

Klek riba Mi Proyekto den e supmenú ku ta bou di nòmber di bo organisashon/ nòmber di profil. Si e proyekto a wòrdu registrá, lo mira esaki den bo resúmen. 
Check bo email pa e email di konfirmashon (atenshon: check bo spambox)

Kon e resúmen di mi proyekto ta mustra?

Riba e página di boluntario i di organisashon bo ta mira un resúmen di e proyektonan
Klek riba mustra proyekto
Filtra riba fecha i bo proyekto lo sali ariba. (Atenshon: E manera aki por, solamente na e momento ku bo a kaba di registrá bo proyekto)

Unda mi por mira e progreso pa ku mi proyekto?

Klek riba Mi Proyekto den e supmenú ku ta bou di nòmber di bo organisashon/ nòmber di profil
Aki nan bo por mira e resúmen di bo proyekto(nan) i kuantu boluntario a inskribí
Klek riba e proyekto deseá pa haña mas informashon

Kon mi por kopia mi proyekto pa un otro dia?

Ora bo klek riba Mi Proyekto, bo ta mira na e proyekto registrá: Kopia. 
Klek riba esaki i kopia e proyekto

Mi a registrá un proyekto kaba pero mi ker hasi e mes un proyekto aki riba un otro dia, kon mi por hasi esaki?

Klek riba Mi Proyekto den e supmenú ku ta bou di nòmber di bo organisashon/ nòmber di profil
Bou di e potrèt di bo proyekto bo ta mira: “kopia e proyekto pa otro dia”
Yena e dia i e orarionan
Klek riba siguiente
Kontrolá tur bo datonan
Klek pa registrá bo proyekto

Kon mi por yena/ registrá mi aporte finansiero?

Klik riba (añadí) Aporte Finansiero den e supmenú ku ta bou di nòmber di bo organisashon/ nòmber di profil
Sigui e stapnan den e formulario (atenshon: pa hasi esaki bo mester a registrá un proyekto)

Ora bo ta bai yena bo aporte finansiero ta bon pa tin e siguiente datonan na man:

• Ki tipo di material bo ta bai uza?
• Kuantu material i kiko esakinan ta kosta?
• Tep: Pidi diferente oferta pa bo por kompará preis.
• Sa kiko bo por kumpra i kiko no, ku sèn di e aporte finansiero: check e toolkit
• Datonan di bo banko inkluyendo: e nòmber eksakto di bo banko, adrès ku banko tin registrá di bo organisashon i e number di kuenta di bo organisashon. Tene na kuenta ku no ta depositá sèn riba kuenta persona!

Mi a lubidá mi palabra klave (password), kiko awor?

Klek riba log in pa log in
Pa kontinuá klek riba: Lubidá palabra klave?
Yena bo emailadres, klek ku bo no ta un robòt i klik riba: email link pa log in outomátikamente.
Bai den bo inbox di bo mail i klik riba e link pa haña akseso na bo account
Bo ta wòrdu di log in outomátikamente den bo account
Klek riba palabra klave den e supmenú ku ta bou di nòmber di bo organisashon/ nòmber di profil
Bo no mester yena nada na bo palabra klave aktual
Traha un palabra klave nobo i yenele na palabra klave i konfirmá esaki
Klek riba warda datonan
Tep: skirbi bo palabra klave un kaminda ku bo por haña fásil bek

Kon mi por kambia mi palabra klave?

Tin 2 manera pa kambia bo palabra klave.
Sigui e stapnan ariba menshoná si bo a lubidá bo palabra klave. Bo sa palabra klave i bo ker kambiele pa un nobo? Sigui e stapnan aki:
Klek riba palabra klave den e supmenú ku ta bou di nòmber di bo organisashon/ nòmber di profil
Yena e palabra klave ku bo tin aktualmente
Yena e palabra klave nobo na palabra klave i konfirmá esaki
Klek riba warda datonan