Man na obra durante CURA DOET

Man na Obra durante CURA DOET!

Bo ke pone man na obra un dia (òf parti di un dia) pa yuda un fundashon, asosiashon, skol, klup di deporte òf institushon di kuido?

Dia 15 i 16 di mart di 2024, ban traha huntu durante CURA DOET. Duna di bo mes komo boluntario i yuda un organisashon kumpli ku un meta. Anto bo por konta ku lo tin bon ambiente tambe!

Tur hende por partisipá durante CURA DOET i tur kaminda mester di boluntario. Sea ku bo ta bini bo so, ku amigu, ku bisiña òf ku henter bo famia, trabou tin rònt Kòrsou pa sostené nos organisashonnan ku ta traha ku dedikashon na bienestar di nos komunidat.

Inskribí ta fàsil! Lesa mas na kon bo por partisipá òf dal bai anto skohé un proyekto.

Dun'un man, gan'un kurason

Buska un proyekto

Partisipá komo kompania òf skol

Dikon partisipá ku CURA DOET?

Ku partisipashon den CURA DOET bo isla i bo empresa òf skol ta haña un impulso positivo. Bo relashonnan lokal ta haña mas forsa i bo ta duna un bon ehèmpel. I di e otro banda tin organisashon sosial ku danki na bo koperashon por realisá meta ku riba nan mes forsa lo nan no por a logra, òf kisas ku mashá difikultat so.

Mas informashon »

Partisipá komo persona individual

Partisipá ku bo amigunan òf bo famia

Komo persona partikular tambe bo por partisipá na CURA DOET. Sea ku bo ta bini bo so, ku amigu òf ku henter bo famia, semper tin proyekto kaminda por kontribuí. Pensa por ehèmpel riba un limpiesa riba un playa, òf bai yuda un krèsh pa dal tur e ko’i hunga nan un bon labá. Tin kos pa tur hende hasi. Rònt Korsou tin trabou pa hasi i tur kaminda mester di boluntario. Buska un proyekto ku ta pas ku bo interes riba e wèpsait i inskribí!

Mas informashon »