Kas di Grandi Berroa na Pier

Kas di Berroa di Krisicolaweg ta bai di paseo ku nos grandinan na Pier Beach. Na nos promé aña di CURA DOET nos a bishitá e mes lugá aki, i e rekuerdo di e dia tan dushi ei ta keda ainda fresku den nos mente.

P’esei nos a skohe pa hasi e dia aki atrobe un momento spesial pa nos grandinan. Lo ta un berdadero Beach Day, kaminda nos por kanta, baila, papia i pasa un rato alegre huntu. Si algun di nan ke, nan por hasta drenta e awa un tiki pa disfruta di e brisa i atmosfera di laman.

E meta ta pa duna nos grandinan un dia di alegria, rekreashon i bon kompañia, pa nan sinti nan mes liber, feliz i hopi apreciá.