Nos Restorante Nilda Pinto

Nilda Pinto tin un restorant di praktiká kaminda e muchanan ta siña i desaroyá nan abilidatnan den e mundo di Horeca. E restorant aki ta un lugá importante kaminda nan ta pone teoria den praktiká i prepará nan mes pa nan futuro.

Aktualmente e murayanan di e restorant ta poko dof i mustra algun señal di desgaste. P’esei nos ke duna e espasio un bida nobo, yen di kolor i freskura, pa asina krea un ambiente mas agradabel i inspiradó pa nos studiante nan.

Durante e proyekto nos lo yena e burakunan den e muraya, kita e parti kaminda tin schimmel i limpia tur e area bon. Despues nos lo ferf e murayanan ku kolornan bunita pa hasi e restorant bira un lugá fresku, limpu i motivante pa siña i traha.

Asina nos ta kontribuí na un ambiente kaminda studiante nan por sigui siña, krese i desaroyá nan talento den un atmosfera dushi i profesional.