Ban duna nos komunidat un lugá mas sigur

Fundashon Instituto Splikami (FISP) ta un organisashon ku ta traha ku pasenshi i dedikashon pa sostené desaroyo sosial i edukativo den nos komunidat. Nos edifisio na Schottegatweg West 52 ta sirbi komo un lugá sigur i importante pa mucha, hóbennan i famia ku ta dependé riba nos aktividatnan.
Sin embargo, kondishon físiko di edifisio a baha den último añanan. Fasadá ta mustra desgasto, dak ta presentá filtrashon di awa, i inventario mester mantenementu urgente.