Dia di famia den naturalesa

Un dia di famia den naturalesa ku Club Funny Friends For Ever – Knepa Chiki

Club Funny Friends For Ever ta un klub di 21 miembro, tur di edat maduro, ku ta reuni regularmente pa enkontra otro, kombersá i keda informa riba loke ta pasando den i rònt di nos komunidat. E momentonan aki semper ta hopi dushi i ta yuda nos keda konektá ku otro.

E aña aki nos klub lo kumpli 11 aña di aniversario, i pa esei nos a skohe pa forma parti di Cura Doet pa promé biaha. Ku e okashon aki nos ta organisá un dia di famia den naturalesa kantu di laman na Knepa Chiki.

Durante e dia nos lo hasi ehersisio kantu di awa i den santu, pa yuda nos konektá nos mes ku Mama Tera, ku nos kurpa i ku nos bienestar mental. Despues di e aktividatnan fisiko, lo tin un charla informativo tokante diabetes, un tema importante pa nos grupo, pa por rekonosé sintomanan temprano i buska yudansa médiko na tempu. Pero pa esnan ku tin e sigui kuida.