Project "Totolika Skates"

Nos di stichting Totolika huntu ku stichting push curacao ke kolabora pa duna un grupo di minimo 15 mucha un dia jena ku arte i deporte. E ideá ta pa organisá un workshop di skate i un workshop di pintura na e parke nobo di skate na Marie Pampoen. Nos meta ta pa duna e mucha di Totolika un dia inolvidabel!

Nos ta plañando di dividi e grupo den dos grupo chikí di 5 mucha. Un grupo lo risibí un workshop di skate dirigi dor di coach di skate eksperto i professional via Curacao Skate Academy, eventualmente ku asistensia di voluntarionan di curadoet. CSA lo soru pa tur material nesesario. Kosnan manera skateboards i protekshon.
E otro grupo lo bai traha bou di guia di voluntario pa pinta nan mes un skateboard. Esakinan ta skateboardnan bieu di CSA. E hobenan tin e opshon di bai kas ku e skateboard nan pinta komo rekuerdo. Pa esaki, nos mester material manera fèrf I kwashi.

Stichting Push ke soru pa tin kos di kome i bebe no solamente pa e voluntario, pero tambe pa e mucha di Totolika durante e aktividatnan, konsiderando ku e proyekto ta tuma lugá pafo.