Pimp the Push HeadQuarters!

Push Fundashon Kòrsou ta basa den Scherpenheuvel. E edificio aki a bira disponibel recientemente, pero ainda mester wordo totalment renová i instalá. E espasio tin baños i un kuchina i lo wordo habilitá pa sirbi komo un lugá pa duna taller di arte, pero tambe komo un base kreativo kaminda hubentut por sinti nan na kas i desaroyá nan kreatividat.

Nos ke kreá un lugá ku kavalete di pintamentu, pa por duna les i taller di pintamentu, pero tambe kaminda hubentut por traha riba nan propio obra. Aparte di esaki, nos ke ofresé espasio pa e kreativo digital: mesa di traha kaminda hende por traha ku laptop, den manera individual of den forma di workshop. Pa hasi ku hubentut por sinti nan mes den e espasio, nos lo krea un lounge kaminda nan por reuni, partisipá den kombersashon kreativo i konektá ku otro. Komo último, nos ke duna espasio tambe pa e kreativo musikal – un lugá kaminda nan por desaroyá nan abilidat musikal na un nivel mas haltu. Muzik ta un parti esencial di kultura di Kòrsou, i nos ke honra esaki.

Ehekushon di e proyecto

Duranten e proyecto, dos kos importante lo wordo realisá den e edificio:

Un parti di e espasio lo wordo transformá den un lugá di ensayo pa muzikanten individuaal i bandanan. Pa logra esaki, mester instala un muraya di separashon ku ta insonorisá, pa evitá ku zonido keda sali for di e kuarto. E muraya lo tin glasfiber den dje i un porta pa duna entrada. Na banda di aden, material ku absorbe zonido lo wordo pone pa optimalisa e akustika. Dos miembro di Push Fundashon lo yuda den e konstrukshon. Tur material i herramienta lo wordo fornesé pa e fundashon. Nos ta buska dos hende hábil ku eksperiensia den trabou di palu òf general klus.

E resto di e espasio mester wordo renová. Nos ta buskando boluntario ku ke yuda ku kita lamèl bieuw, kos ku ta pega na muraya, limpiá e kuchina i e baños na fondo, i pinta tur muraya ku un kouch nobo di pintura (inklusá espasio for di e muraya di ensayo). Nos ta buska hende hábil i entusiasta ku ke kontribuí pa transformá e espasio aki den un verdadero sentro kreativo pa hubentut.