Vernisa e overdekte

SVC miho konosi komo Kas di Enfermeria Betèsda ta brinda (para)mediko i kuido na 160 kliente (habitante) ku problema somatiko i sikogeriatriko ku mester kuido i ta drumi riba kama en general. E sènnan ku SVC ta hana pa duna e kuido ta wordu finansha a base di un kontrakto di kuido ku SVB for di e fondo di AVBZ (Lei di Labizjan). Banda di e sèn aki, SVC ta depende di e sèn di donashon, fondonan i sponser pa finanshamentu ekstra den nos organisashon. Den e kuadro aki SVC a tene un luna di kolekta den mart 2023 i e sen a wordu usa pa pone un overdekte riba e tereno di SVC.

E projekto aki ta pa brinda un luga adekua den naturalesa, kaminda ku e kliente/habitantenan no tin problema ku awaseru i/o solo fuerte. Na mes momentu e habitantenan ta hanja e oportunidat pa nan por soshalisa ku otro i ku nan ser kerinan. Esaki por ta pa diferente aktividat soshal tanten ku e habitantenan por saboria nan kuminda, pasapalu i/o pasaboka i kos di bebe ku otro. E overdekte aki mester wordu fèrnisa pa por hasi esaki duradero i trabounan di fèrf lo wordu hasi door di boluntarionan.