Deskubri yerba i mata, planta i embeyese hardin

Hofi Dinah Veeris ta den proseso di reparashon anual di e hardin . Nos tin yen planchi di mata i yerba nobo ku tin ku planta o kambia pochi. Bin pa bo deskubri matanan i yerbanan menos konosi i ku bo no tabata sa mes ku nan ta nase i/o krese na Korsou. Komo boluntario bo por forma parti di e reparashon anual aki kual ta ensera trabounan simpel den hardin manera renoba borchi por ehempel ku nomber di mata, ferf diferente opheto den hofi, planta i kambia luga, pochi/tera di mata.