Ban drecha SV Vesta su lokalidat

S.V. VESTA su fasilidatnan ta wòrdu usa hinter siman pa su miembronan i tambe otro miembronan ku ta pidi pa hasi uso di dje. Esaki ta nifiká ku e fasilidatnan lo bai un tiki atras si e mantenshon no tuma lugá regularmente.
S.V. VESTA ta hopi kontentu ku e inisiativa di CURA DOET pa duna un man na organisashonnan ku mester di dje.

S.V. VESTA su meta prinsipal durante e proyekto aki ta pa mehorá nos fasilidatnan i pa duna un mihó servisio na nos miembronan i bishitantenan na Kompleho Deportivo Jose Jo Mathilda.

Esaki sigur ta un bon chèns pa logra klara algun tareanan, tambe e ta un oportunidat pa nos organisashon haña boluntarionan nobo pa nos organisashon. Nos lo konsentrá riba drecha nos área di rekreo pa nos muchanan, fasilidatnan di higiena, Murayanan rondó di nos Vèlt di bala i duna nos edifisio un man di fèrf.

S.V. VESTA kier hasi uso di e oportunidat pa pidi pa un aporte finansiero, di moda ku por realisá e proyekto aki. Nos lo konta ku algun miembro di nos organisashon i tambe nos ta apresiá e boluntarionan ku lo inskribí pa yuda nos organisashon.