Krakeel 49 Doet

Krakeel 49 ta un kas di famia Koeyers data 1913 di kwal ñetunan i yunan na 10-10-1999 a bini huntu pa drecha i konserva.
E tabata den un situashon hopi deplorabel. A lanta un Fundashon na nomber di e prome Habitantenan, Fundashon Kompa Fil i Ma Came. E famia mes a kolekta sen huntu i nan mes a traha i restaurá e kas te ku el a bira manera e pic ku ta visto ariba. Na aña 2010 Monumenten Fonds a dekretá nos Kas Krakeel 49 komo e uniko kas di Kunuku Monumento Proteha. Nos tin 5 motibu: e kas di Kunuku, tin e fornu di antes, tin e Magazina, tin e Regenbak i tin e kura di Katibu ketu bai. Nos famia a hasi e kas un Museo chiki pa bishitantenan i famianan. A Dokumenta i traha videonan di antes. A buta un Mini Biblioteka den e kas. A traha riba Stamboom i 2 fotoboek di e famia. E famia mes a mantene e kas tur e añanan i lo apresia un yudansa di Curadoet pa por sigi mantene e kas. E uniko kas di Kunuku Monumento. Nos tur ta birando grandi i no por sigi mantene nos so mas. Kada granito lo yuda nos aporta i konserva un parti di nos historia Kultural pa nos Generashon ku ta biniendo.