Ban drecha nos Kunukito di Janboos

E bario di Janboos tin diferente hende di edat ku kada bes por mobilisá nan mes ménos. Den e etapa di bida aki ta importante pa por kome produktonan saludabel i tin un menú balansa. E proyekto aki tin komo meta perkurá pa inisialmente nos grandinan di bario por tin kuminda saludabel produsí den bario na nan disposishon.
Pa logra esaki nos ta opta pa hasi uso di sistema hidroponiko di manera ku muchanan di bario por siña esaki i tambe por mira métodonan diferente pa produsí nan mes kuminda. Pa produsí di forma hidroponiko, na e manera ku nos ke hasiele, ta importante por tin un greenhouse pa garantisá efektividat di e produkshon. A hasi un internalisashon di loke nos grandinan ta usando i basa riba e resultado ei, nos lo produsí i abastesenan ku esakinan.