Bin yuda engrandese CFF After School Academy

Child First Foundation ta un Non-Profit Organization ku a wòrdu fundá na Novèmber 2009. Un di nos metanan ta pa krea konsientisashon di e importansha pa muchanan tin nan tata aktivamente presente den nan bida. Muchanan tin derechi di tin un relashon aktivo ku tantu nan tata komo nan mama. Lamentablemente hopi bia muchanan ta krese sin e presensha di nan tata. Muchanan ta krese sin struktura, sin disiplina, sin abilidatnan sosial i hopi bia ta buska konsuelo den e luga kibuká. Esaki ta afekta e mucha su prestashon na skol, ku hopi bia ta resulta den drop-outs.
Nos a introdusi e After School Academy (ASA) na Buena Vista ku ta ofrese un programa di edukashon pa muchanan di for di 4 aña di edad. Nos ta siña nan ingles, deporte i wega manera ahedres, i tambe nos ta organisa diferente aktividatnan. Nos ta imbolukra e mayornan tambe dor di duna charla i workshopnan. Nos ke pa e muchanan krese i bira un siudadano ehemplar ( First-Class World Citizen).

Nos ta kere ku pa por atende ku e problema prinsipal i tambe alkansa nos metanan, nos mester promove Edukashon