Green House na Kas Nos Tesoro

Debí di e problema mundial ku tin aktualmente, a pone ku nos grandi nan no por sali pafo fasil, of sosialisa parti pafo. Kada aktividat ku wordu hasi ta paden. Pesei huntu nos a jega na e idea pa por traha un green house. Mirando ku esaki por juda nos grandi nan den diferente area i tog por laga nan sinti nan mes dushi, i tambe ku un responsabilidat pa kuido di e area aki. Ku e Green House aki nos ke planta diferente mata, fruta, berdura i yerba nan di antes pa asina, nan por rekonose i rekorda esaki nan i tambe pa nan por hasi uzo di nan mes kosecha. Sperando ku esaki lo por sigui krese i bira un Vegetashon/ plantashon/ Agrikultura grandi aki na Banda Bou..