Riba dia 10 i 11 di mart 2023 lo tuma lugá e akshon boluntario di mas grandi na Kòrsou i den reino!
Bou di e nòmber NLdoet, ARUBA DOET, BON DOET, CURA DOET, STATIA DOET, SABA DOET i SXM DOET, e seis inisiativanan akí tin komo meta pa enfoká importansia di trabou boluntario i pa stimulá tur suidadano pa pone man na obra un (parti di un) dia, na bienestar di henter komunidat!
CURA DOET ta un inisiativa di Curaçao Cares i Oranje Fonds.
Curaçao Cares ta un plataforma pa boluntario ku ta forma un brùg entre boluntario, kompania i organisashon sosial i ku tin komo meta stimulá embolbimentu sosial i aserkamentu entre suidadanonan. Curaçao Cares ta dediká na yuda amplia, reforsá i promové trabou boluntario na Kòrsou.
Oranje Fonds ta sostené inisiativanan sosial den Reino ku fondo, konosementu i kontakto. Hulanda ya tin hopi aña ta organisá NLdoet, kual ta e inspirashon pa akshonan di CARIB DOET riba e diferente islanan. Oranje Fonds ta e fondo nashonal mas grandi riba tereno sosial, i ta saka kara di Reino. Kada aña e ta gasta mas o menos € 30 mion na organisashon i proyekto ku ta reforsá unidat sosial na Hulanda i den e parti di Reino den Karibe. Rei Willem-Alexander i Lareina Máxima ta e pareha protektor di e fondo.
Serka hopi organisashon sosial, boluntarionan ta e kurason ku ta bati!
Curaçao Cares i Oranje Fonds ta mustra ku CURA DOET kon importante siudadano aktivo ta pa nos komunidat. Tambe CURA DOET ta krea un bon imahen pa trabou boluntario i ta mustra kon agradabel i den bon ambiente trabou boluntario por tuma lugá.
Bo kompania tambe ta sostené e akshon boluntario di mas grandi na Kòrsou ku lo tuma lugá dia 10 i 11 di mart 2023?
Pa kumpli ku tur e tareanan ku tur e organisashonan partisipante lo ehekutá mester di hopi rekurso. Esei por ta den forma di material manera fèrf of palu, pero tambe kompras pa pasaboka òf lunch pa e boluntarionan.
Bo por konta ku gradisimentu sinsero di e organisashonan, boluntarionan i di otro personanan ku lo ser benefisiá. CURA DOET lo aparesé en grande den media pa un periodo i bo kompania tambe por disfrutá di e kobertura positivo pa ku komunidat.
Tuma kontakto ku nos na curadoet@curacaocares.org pa mas informashon di kon bo empresa tambe por kontribuí na e tremendo akshon akí.
Den 2023, nos lo selebrá e di 10 edishon di CURA DOET! Ku e selebrashon di 10 aña di CURA DOET nos kier para ketu huntu ku komunidat kiko e akshon aki a nifiká i kontribuí e último añanan aki. CURA DOET 2023 lo tuma lugá dia 10 i 11 di mart.
CURA DOET 2022
Ana pasa, durante CURA DOET 2022, 300 proyekto ku 265 organisashon sosial ku a partisipa ku yudansa di mas ku 4500 boluntario a klara mas ku 300 tarea i aktividat.
Curaçao Cares ta aspirá pa mantené e wèpsait aki ku mas tantu kuido posibel. Un gran parti di e informashon den e wèpsait aki a ser presentá dor di varios organisashonnan i proveédor di aktividat di sostén. Curaçao Cares i Oranje Fonds no ta responsabel pa e eksaktitut di e informashon ni e kalidat di e servisionan. E organisashon CURA DOET no ta responsabel di niun forma òf grado, deribado di e uso di òf e konfiansa den e informashon ku ta ser proporshoná den e wèpsait aki.
