Partisipá komo kompania òf skol

Dikon partisipá ku CURA DOET?

Ku partisipashon den CURA DOET bo isla i bo empresa òf skol ta haña un impulso positivo. Bo relashonnan lokal ta haña mas forsa i bo ta duna un bon ehèmpel.  I di e otro banda tin organisashon sosial ku danki na bo koperashon por realisá meta ku riba nan mes forsa lo nan no por a logra, òf kisas ku mashá difikultat so.

Man na obra huntu ku koleganan

CURA DOET ta un okashon ideal pa bo mustra ku bo organisashon ta koperá pa logra un mihó ambiente di bida. Komo empresa por ehèmpel bo por skohe un proyekto pa kumpli kuné huntu ku bo empleadonan komo un bon alternativa pa e tradishonal ‘teambuilding’ òf dia di rekreo.

Pero bo por hasi mas ku esei! Yuda hasi un proyekto eksitoso ofresiendo bo produkto òf servisio gratis òf na preis redusí. Manera fèrf òf otro material, òf ko’i kome pa mèrdia. Of aktivá bo ret di kontakto, reklutá bo klientenan òf bo relashonnan den medionan di komunikashon.

Partisipá komo skol

Klaro ku skol tambe por partisipá den CURA DOET. Reuní un klas òf henter skol i yuda ku un tarea òf aktividat den boso bario. Pensa por ehèmpel riba un mèrdia di wega ku habitantenan di un kas di kuido, òf drecha un tereno deportivo.Pa bo alumnonan esaki lo ta un eksperiensha nobo, yudando un organisashon sosial, kisas nan promé partisipashon den trabou boluntario. Ademas di esei e ta un dia inspirativo i agradabel.

Kon bo por inskribí?

For di fin di desèmber bou di e kònòpi “buska proyekto” lo tin kantidat di proyekto na Kòrsou ku ta buska boluntario. Ora bo skohe unu, mesora bo por buska kontakto ku e organisashon pa kordiná e proyekto i haña mas detaye. 

Organisá un proyekto bo mes?

Pa esaki bo por drenta den kontakto ku Curaçao Cares. Por ta ku ya bo tin un idea kaba ken lo bo ke yuda ku algu. Pero bo por pensa algu tambe pa un organisashon ku kua un kolega di bo tin un relashon. E kas di kuido por ehèmpel kaminda un mayor ta hospedá, òf un yu ku limitashon. E krèsh òf klup di deporte kaminda un kolega sa yuda komo boluntario. Ei tambe por yuda kaba un proyekto òf kuminsá ku inisiativa nobo. E organisashon ei den promé instansha ta den bo mes man. ATENSHON: Ta e organisashon sosial kaminda ta traha so por inskribí online i bini na remarke pa aporte finansiero. Esunnan ku ta yuda traha no.

Bo ke sa mas?

Bo tin pregunta òf bo ke mas informashon? Ku gustu nos ta yuda bo. Manda un mail na curadoet@curacaocares.org

Crusaders tin algún klas lokaal kaminda nan ta duna muchanan preparashon riba guia sosial i spiritual. Nos kier traha algun kashi di palu, drecha e t...
Djasabra 16 di mart 2019 • 09:00 - 16:00
Crusaders
Mount Pleasant
0 / 10 Boluntario
Nos lo ke bai drecha e interior di nos kresh pa asina nos muchanan lo por tin un luga agradabel pa pasa nan dia. Nos lo ke drecha nos kashi kushina, u...
Djabièrne 15 di mart 2019 • 08:00 - 14:00
Kresh Futuro Felis
Soto Kavel 191
0 / 7 Boluntario
The Manger ta un boerderij kaminda tin posibilidad pa mucha i hoben rekrea. Nos kier traha algun kouchi nobo, ferf e stalnan eksistente, i limpia rond...
Djasabra 16 di mart 2019 • 09:00 - 16:00
Curacao Charity Foundation
Weg naar Bullenbaai
0 / 10 Boluntario