Kon bo organisashon por partisipá?

Kon pa inskribí bo organisashon pa partisipá na CURA DOET 2021?

Via di e wèpsait aki mes. Djis klek riba e boton aki bou i kuminsá e proseso. Sigui kada stap i yena tur detaye mas kompleto ku ta posibel. Duna mas informashon di bo organisashon, kaba di yena tur kos di bo proyekto i despues hasi bo petishon pa aporte finansiero.

Partisipá na CURA DOET 2021

Partisipá ta fásil! Registrá bo proyekto riba e wèpsait aki. Boluntarionan interesá por inskribí via e wèpsait aki pa duna bo organisashon un man.

Registrá ta fásil! Bai na:

  1. Krea un profil
  2. Login (warda bo datonan di log in bon)
  3. Añadí proyekto
  4. Aporte finansiero

Kiko bo mester yena?

  • E datonan korekto di bo organisashon i e punto di kontakto;
  • Un deskripshon komprendibel i entusiasmá di e proyekto;
  • E kantidat di boluntario ku bo ta buska;
  • Kiko ta pidi komo aporte finansiero i kon bo a hasi e kalkulashon aki

Si bo yena tur kos bon, e boluntario interesá por haña bo proyekto pasó e ta visibel mesora riba e wèpsait. Tambe bo ta haña un notifikashon ku bo petishon pa aporte finansiero a ser risibí i ku nos lo evaluá esaki. 

Kiko bo mester tene kuenta kuné pa haña aporte finansiero?

Bishitá e link di aporte finansiero pa bo por haña mas informashon di e kondishonnan.

Importante pa tene na kuenta!

Oranje Fonds i Curaçao Cares no ta para responsabel pa kualke aksidente òf daño durante CURA DOET. Plania bo tarea teniendo seguridat di boluntarionan na kuenta i no tuma niun riesgo. Preferibel laga partinan tékniko di un tarea den man di profeshonal. Sòru tambe pa bo organisashon ta sigurá.

Bo mester di sostén?

Bo mester di yudansa pa pensa un bunita proyekto, bo ke mas publisidat pa bo proyekto, òf bo ke sa kon bo por haña mas boluntario pa yuda bo organisashon? Tuma kontakto ku e tim di CURA DOET na Curaçao Cares i ku gustu nos lo yuda bo kompletá inskripshon di bo organisashon. Mas pronto nos tende di bo, mas mihó nos por yuda bo. Bèl nos na 78881951 òf 7881952.

 

Na Het Savaanhuis nos ker a knap op nos Dierentuin pa nos klientenan pa e ta algu dushi i terapeutisch. Nos vogelkooi mester wordu opgeknapt, esaki en...
Djabièrne 28 di mei 2021 • 09:00 - 14:00
SGR Groep Het Savaanhuis
Savaan 147
0 / 10 Boluntario
Nos lo bai ferf na e achter terras kaminda tin e ocean view, nos lo bai laga traha algun poefjes pa sinta riba dje i tambe nos lo bai ferf e vloer. I...
Djabièrne 28 di mei 2021 • 08:00 - 13:00
Omega College
Pietermaai 20C
0 / 5 Boluntario
Stichting bejaardencentrum Shalom lo ker ferf e parti pafo di e gebouw i e kasnan di e grandinan ku nos tin den e kura. Nos grandinan ta biaba ku plas...
Djasabra 29 di mei 2021 • 08:00 - 14:00
Stichting bejaardencentrum Shalom
Bahamasweg 35
0 / 5 Boluntario