Aporte finansiero

Kon mi ta pidi un aporte finansiero?

Despues ku bo kaba di inskribí bo organisashon i proyekto bo por pidi aporte finansiero. Den Mi profil bo ta haña bou di bo proyekto un link “Aporte finansiero”.

Tene na kuenta:

  • E link akí ta funshoná sólamente si bo ta buska un mínimo di 10 boluntario. Si bo a yena e datonan akí bo petishon por ser kompletá.
  • Te dia 4 april 2021 por hasi e petishon, pero no warda te último momentu pasó presupuesto ta limitá. 

Kondishon pa pidi un aporte finansiero:

  • Bo organisashon ta un fundashon òf asosiashon ofisial ku tin su propio kuenta di banko, òf un skol registrá;
  • Bo proyekto ta riba e website: curadoet@curacaocares.org 
  • E proyekto ta pas ku e karakter di CURA DOET: riba 28 òf 29 di mei bo organisashon kier kompletá algu konkreto pa bo organisashon; 
  • Pa kada proyekto bo ta buska 10 hende mínimo. Di esakinan no mas ku mitar por ta liá na bo organisashon komo boluntario kaba;
  • Bo organisashon no tin komo meta den su statutonan òf reglamentunan konvikshon religioso; 
  • Ta 1 aporte finansiero por haña pa kada adrès/lokalidat;

Atenshon: Nos ke duna mas tantu organisashon posibel un aporte finansiero. Si bo tarea òf aktividat no ta konta ku tur e puntonan aki riba, bo no por haña finansiamentu. Esei no ta kita ku bo organisashon por partisipá na CURA DOET pa risibí sostén boluntario i risibí pakete promoshonal. Mèldu bo proyekto mas pronto ku ta posibel asina bo por haña boluntario mas lihé.

Kua gastu nos por kubri?

  • Material brutu manera fèrf i kos ku mester pa fèrf kuné, palu, waya i staka pa tranké, material di limpiesa, palu i mata, hèrmènt chikitu di metal, èts;

  • Hür di hèrmènt òf aparato grandi manera trapi, mashin di limpia ku preshon, mashin pa koba buraku, skòp i chapi, èts;

  • Ko’i kome i bebe pa tene stoma di hende ku ta traha duru, máksimo ANG 250.-

Sólamente pa instituto/organisashon pa hende grandi, persona ku limitashon físiko òf mental:

  • Gastu di un èkskurshon, manera hür di konvoi i preis di entrada;
  • Pago pa artista manera pintor i kantante, òf pa hasidó di kabei òf di kara den kaso di un dia (òf mèrdia) pa malkriá bo klientenan poko: Máksimo ANG 600.-
  • Den kaso ku bo aktividat ta sea un desayuno, un kuminda mèrdia òf algu por estilo bo por uza e montante kompleto pa kuminda i bebida.

Loke sigur nos no ta kompensá:

  • Trabou òf organisashon ku no ta kumpli ku e kriterionan general;
  • Kompra di hèrmènt òf kos di uzo;
  • Material pa dòrna e lugá;
  • Premio pa bingo òf otro sorto di wega;
  • Gastu di imprenta òf material di promoshon;
  • Gastunan pa yama boluntarionan danki.

Aprobashon finansiero:

Niun notisia ta bon notisia! Si nos NO aprobá bo petishon pa CURA DOET òf bo ta haña aporte parsial, bo ta haña notifikashon por eskrito mas lihé ku ta posibel. No lubida di tra un kopia  pa bo atministrashon. Mas lihé bo entregá bo aporte finansiero mas lihé nos lo por wak esaki. Nos lo invitá tur esnan ku a ser aprobá medio april 2021 pa por pasa buska material i chèk na e delaster enkuentro ku ta obligatorio. Asina bo por hasi bo kompranan na tempu i sòru pa bo proyekto ta bon organisá!

Op het plein van de voormalige Nechi Pieterschool in Buena Vista heeft de After School Academy van Child First Foundation de helpende hand nodig om de...
Djasabra 31 di yüli 2021 • 08:00 - 13:00
Child First Foundation
Manhattanweg 6
0 / 15 Boluntario
Leekrokest tin un kònteiner ku ta uza komo Depot pa instrumènt. Nos ker drecha e dak parti pafó, sil, verstevig i hasiele mas grandi i evitá pa aw...
Djasabra 31 di yüli 2021 • 08:00 - 14:00
Leerorkest
Santa Maria 80
0 / 10 Boluntario
Mainta nos lo ker desayuná huntu den área di Skarlo. Despues nos ta bai kana den Punda, pa mira e pintura i artenan di nso mes dushi hendenan di Ko...
Djasabra 31 di yüli 2021 • 07:00 - 14:00
Stichtign Wit Gele Kruis
Sali di parariba pa kaba na Zuikertuintje
0 / 4 Boluntario