Kon bo por partisipá?

Man na Obra durante CURA DOET!

Dia 10 i 11 di mart di 2017, ban traha huntu durante CURA DOET. Duna di bo mes komo boluntario i yuda un organisashon kumpli ku un meta. Anto bo por konta ku lo tin bon ambiente tambe!

Tur hende por partisipá durante CURA DOET. Sea ku bo ta bini bo so, ku amigu òf ku henter bo famia, semper tin trabou ku boso por hasi. Pensa por ehèmpel riba un limpiesa riba un playa, òf bai yuda un skol pa dal tur e ko’i hunga nan un bon labá.

Kon bo por partisipá?

For di komienso di yanüari bo por bai na e link Boluntario > Tur proyekto pa wak e kantidat di tarea òf aktividat na Kòrsou ku mester di hende pa duna un man. Despues ku bo a skohe unu, lo bo risibí mas detaye. Kualke kos tuma kontakto ku e organisashon direktamente. 

Partisipá komo grupo

Ora hopi hende dun’un man, trabou ta kana lihé. Kiermen partisipá komo grupo! Reuní bo famia, bo koleganan, miembronan di bo klup òf bo klas i skohe un proyekto pa boso hasi komo boluntario. Union ta hasi forsa!

Pone bo nòmber òf logo 

Si bo ke yuda komo grupo òf kompania, bo por pone nòmber òf logo di bo grupo ora di inskribí. Asin’ei na un manera fasil bo por promové e kompromiso di bo empresa, klup di deporte, skol òf klup di servisio.

Bo ke mas informashon?

Bo tin pregunta òf bo ke sa mas? Ku gustu nos ta yuda bo. Manda un mail na curadoet@curacaocares.org.

Buska un tarea òf aktividat djis serka den bo bario òf unu ku ta parse bo interesante riba e website i inskribí bo grupo promé ku fin di febrüari!