Bo organisashon tambe por keda kla!
10 i 11 di mart 2017

Aporte finansiero

Kon mi ta pidi un aporte finansiero?

Despues ku bo kaba di inskribí bo organisashon i proyekto bo por pidi aporte finansiero. Den Mi profil bo ta haña bou di bo proyekto un link “Aporte finansiero”.

Tene kuenta:

  • E link akí ta funshoná sólamente si bo ta buska un mínimo di 10 boluntario. Si bo a yena e datonan akí bo petishon por ser kompletá.
  • Te dia 23 di desèmber 2016 por hasi e petishon, pero no warda te último momentu paso presupuesto ta limitá. 

Kondishon pa pidi un aporte finansiero:

  • Bo organisashon ta un fundashon òf asosiashon ofisial ku tin su propio kuenta di banko, òf un skol registrá;
  • Bo proyekto ta riba e website: www.curadoet.com;
  • E proyekto ta pas ku e karakter di CURA DOET: riba 10 òf 11 di mart bo organisashon kier kompletá algu konkreto pa bo organisashon;
  • Pa kada proyekto bo ta buska 10 hende mínimo. Di esakinan no mas ku mitar por ta liá na bo organisashon komo boluntario kaba;
  • Ta 1 aporte finansiero por haña pa kada adrès/lokalidat;

Atenshon: Nos ke duna mas tantu organisashon posibel un aporte finansiero. Si bo tarea òf aktividat no ta konta ku tur e puntonan aki riba, bo no por haña finansiamentu. Esei no ta kita ku bo organisashon por partisipá na CURA DOET pa risibí sosten boluntario i risibí pakete promoshonal. P

Kiko nos por kubri?

  • Material brutu manera fèrf i kos ku mester pa fèrf kuné, palu, waya i staka pa tranké, material di limpiesa, palu i mata, hèrmènt chikitu di metal, èts;
  • Hür di hèrmènt òf aparato grandi manera trapi, mashin di limpia ku preshon, mashin pa koba buraku, skòp i chapi, èts;
  • Ko’i kome i bebe pa tene stoma di hende ku ta traha duru, máksimo NAF 150.-

Sólamente pa instituto/organisashon pa persona ku limitashon físiko òf mental:

  • Gastu di un eskurshon, manera hür di konvoi i preis di entrada;
  • Pago pa artista manera pintor i kantante, òf pa hasidó di kabei òf di kara den kaso di un dia (òf mèrdia) pa malkriá bo klientenan poko: Máksimo NAF 600.-
  • Den kaso ku bo aktividat ta sea un desayuno, un kuminda mèrdia òf algu por estilo bo por uza e montante kompleto pa kuminda i bibida.

Loke sigur nos no ta kompensá:

  • Trabou òf organisashon ku no ta kumpli ku e kriterionan general;
  • Kompra di hèrmènt of kos di uzo;
  • Material pa dòrna e lugá;
  • Premio pa bingo òf otro sorto di wega;
  • Gastu di imprenta òf material di promoshon;

Aprobashon finansiero:

  • Niun notisia ta bon notisia! Si nos NO aprobá bo petishon pa CURA DOET òf bo ta haña aporte parsial, bo ta haña notifikashon por eskrito mas lihé ku ta posibel. Nos lo invitá tur esnan ku a ser aprobá pa dia 4 di febrüari 2017 bo por pasa buska bo chèk na e delaster enkuentro. Asina bo por hasi bo komprasnan na tempu i sòru pa bo proyekto ta bon organisá!